Tuesday, 25 September 2018

பிஎஸ்என்எல் நிர்வாகம் தீடீரென்று ஊழியர்கள் சம்பள தேதியை மாற்றி உத்தரவு ஒன்றை பிறப்பித்ததை அனைவரும் அறிவோம். சாதாரணமாக அனைத்து வருடங்களிலும் கணக்குகள் முடியும் மாதம் அதாவது மார்ச் மாதம் மட்டும் நாம் முதல் தேதி  ஏப்ரல் பெற்று வந்தோம். ஆனால் முதல் தேதி ஊழியர்கள், ஐந்தாம் தேதி அதிகாரிகள், ஏழாம் தேதி பொது மேலாளர் போன்ற அதிகாரிகள் (தற்செயலாக ஒப்பந்த தோழர்கள் சம்பளமும் அன்றே வருகிறது) என்ற கால அட்டவணை வெளியிட்டு உள்ளது. இதில் ஏதாவது உள்குத்து உண்டா? என்று தொழிலாளிக்கு லேசாக சந்தேகம் வந்தது நியாயம் என்றே நினைக்கிறேன்.

 ஊதிய திருத்தம் பேச்சுவார்த்தைக் குழுவொன்றை உருவாக்கி, பிஎஸ்என்எல் நிர்வாகத்தோடு பேச்சு வார்த்தை நடத்தி கொண்டிருக்கும் சங்கங்கள்,  ​​ஊழியர்களுக்கும் நிர்வாகிகளுக்கும் சம்பளத்தை மறுநிர்ணயம் செய்து தரவேண்டும் என்று  போராடுகையில் இந்த  சமிக்கைச்சைகளை நிர்வாகம் தருவது  மூன்றாம் ஊதிய மறுபரிசீலனைக் குழுவிற்கு ”எந்தவொரு ஊதியத்தையும் நீங்கள் அதிகரித்து கேட்க கூடாது”  என்ற தெளிவான செய்தியை தருவது போல அமைந்துள்ளது..

கடந்த சில நாட்களாக வாட்ஸ் அப்பில் நீங்கள் சில செய்திகளை பார்த்திருக்கலாம்.” BSNL அதிக நஷ்டத்தை சந்தித்துள்ளது., பாருங்கள் தகவல்களை” என்றும், “ இந்த வருடம் நமக்கு லாபம் சுத்தமாக இல்லை.. நஷ்டம்...நஷ்டம்” என்ற புலம்பலோடு பல எக்ஸெல் ஷீட்களை போட்டு நம்மை பீதியை கிளப்பும் மற்றொரு வகை” செய்திகள்.

நமக்கு நன்றாகவே தெரியும் கடந்த சில வருடங்களாக நமது BSNL எந்த லாபத்தையும் ஈட்டவில்லை நஷ்டத்தை சந்தித்து வருகிறது என்ற தகவல். இது ஒன்றும் புதிய தகவல் அல்ல. இதற்கு பின்னால் உள்ள நோக்கம் என்ன என்றால் தொழிலாளியை என்ன கொடுத்தாலும் ஏற்று கொள்கின்ற மனோநிலைக்கு கொண்டு செல்லவே இது போன்ற தகவல்களை திட்டமிட்டு பரப்புவது. அதுவும் ஊதிய பேச்சு வார்த்தை சமயத்தில் இதனை கச்சிதமாக செய்தால் தொழிலாளி எந்த கேள்வியும் கேட்க மாட்டான் என்ற எண்ணமே மேலோங்கி நிற்கிறது.

BSNL இன்றைய நிலைமைக்கு யார் காரணம்? அரசும் அதனுடைய தனியாருக்கு ஆதரவான நிலைபாடு மற்றும் பொதுத்துறை நிறுவனங்களை நலிவடைய செய்யும் முயற்சிகள் இவையே ஆகும். இதற்கு தொழிலாளி எப்படி பொறுப்பாவான். சிந்தியுங்கள் தோழர்களே!

நாம் அரசு நிறுவனமாக இருந்தபோது அப்போதய பிரதமர் வாஜ்பாய் அவர்கள் நம்மை பொதுத்துறை நிறுவனமாக மாற்றி சில உறுதிமொழிகளை அளித்தார்கள்.. அவை...
1. அரசு நிதியிலிருந்து அனைவருக்கும் ஓய்வு ஊதியம்.
2.BSNL நிறுவனத்திற்கு தேவையான நிதி உதவி தரப்பட்டு அது நலிவடையாமல் பார்த்துக்கொள்ளப்படும்.
3.அனைவருக்கும் வேலை பாதுகாப்பு

ஆனால் நடந்து கொண்டிருப்பது என்ன?

தொழிலாளர்களை அரசின் துரோகத்திற்கு எதிராக திரட்டுவதை விட்டுவிட்டு நிதி நிலைமையை சொல்லி பயமுறுத்துவது சரியா?

தொழிலாளர்களுக்கு நிலைமையை சொல்லி புரிய வைத்து அவர்களை திரட்டி நமது புதிய ஊதிய விகித்ததை பெற போராட தயார்படுத்துவதை தவிர்த்து சம்பள கணக்கு பார்..உனக்கு இவ்வளவு கிடைக்கும்... என்று எக்ஸெல் ஷீட் போட்டு அவர்களை திசை திருப்பினால் அது போராடும் நம் சங்களுக்கு எதிராக முடியும் என்பதை அனைவரும் உணர்ந்து நமக்கு நியாயமாக கிடைக்க வேண்டிய ஊதியம் பெற போராடுவோம் தோழர்களை என்று அனைவரையும் வேண்டி கேட்டுக் கொள்கிறேன்.
தோழமை வாழ்த்துக்களுடன்

சி.கே.மதிவாணன்
மாநிலச் செயலர்
சென்னை தொலைபேசி NFTE-BSNL
24-09-2018


Thursday, 20 September 2018

தலையா கடல் அலையா  -  இது நாம் பலமுறை கேள்விப்பட்ட வார்த்தை...ஆனால் இதை இன்று நேரில் பார்த்தோம்...கடல் அலை போல் தோழர்கள் கூட்டம்.. கே.கே நகர். தொலைபேசி வளாகத்தில் அதிகாரிகள் மற்றும் ஊழியர்கள் சங்கங்களின் சார்பாக நடைபெற்ற கருத்தரங்கம். NFTE-BSNL சங்கம் பொறுப்பேற்று இந்த கருத்தரங்கத்தை நடத்தியது. மூன்றாவது ஊதியவிகிதம் குறித்த கருத்தரங்கம் இது. உண்மை நிலையை படம் பிடித்தாற்போல் தலைவர்கள் பேச்சு அமைந்திருந்தது. BSNLEU சங்கம் கடந்தகாலங்களின் தானே ஒரே சங்கம் என்று இருந்தகாலத்தில் இழைத்த தவறுகள் குறித்து பேசப்பட்டது.
அனைத்திற்கும் மேலாக அருமையான ஆழமான மிக அவசியமான தீர்மானங்கள் நிறைவேற்றப்பட்டன.


1. 15% ஊதிய உயர்வில் எந்த சமரசமும் கூடாது. 
அதிகாரிகளுக்கும் ஊழியர்களுக்கும் சம்பள அமைப்பில் எந்த முரண்பாடோ பாகுபாடோ இருக்கக் கூடாது.


2. கடந்த முறை கோட்டை விட்டது போல இல்லாமல், இந்த முறை அலவன்ஸ்களை பெற்றே தீர வேண்டும்.அதுவும் 01-01-2017 முதல் தேதியிட்டு தரப்படவேண்டும்.


3. ஊதிய மாற்றத்திற்கான தேதி 01-01-2017 முதல் இருக்க வேண்டும்


இதனை துவக்கி வைத்து தோழர்.லிங்கமூர்த்தி  FNTO மாநிலச் செயலர் பேசினார். சகோதர சங்கங்கள் TEPU/ SEWA/ PEWA/ AIBSNLEA/ NFTCL தலைவர்கள் கலந்து கொண்டு சிறப்புரை ஆற்றினார்கள்.
Image may contain: 7 people, outdoor and indoor Image may contain: 5 people, people sitting and shoesImage may contain: 6 peopleImage may contain: 3 people, people smiling, crowd and outdoor

Wednesday, 12 September 2018

Wednesday, 12 September 2018

ஒருகண்ணில் வெண்ணெய் மறுகண்ணில் சுண்ணாம்பு - அனுமதியோம் UNREASONABLE ATTITUDE OF BSNL:


 BSNL நிர்வாகம் மூன்றாவது சம்பள உயர்வு பிரச்சனையில் காட்டும் போக்கு இன்று நமக்கு அதிர்ச்சியை ஏற்படுத்தி உள்ளது.

10-09-2018 ஊழியர் தரப்பு சம்பள பேச்சுவார்த்தைக்காக நிர்வாகத்தை சந்தித்தபோது அதிர்ச்சி அளிக்கும் செய்தி கிடைத்தது. ஊழியர்களுக்கு புதிய சம்பள விகிதம் 0 சதவீதம்முதல் 5 சதவீதம் மட்டுமே தரமுடியும் என நிர்வாகம் கூறியது. அதே சமயத்தில் அதிகாரிகளுக்கு 15% ஊதிய உயர்வு தர சம்மதித்து DOTக்கு கடிதம் எழுதியுள்ளது.

இது மிகப்பெரிய துரோகம் ஆகும். நிர்வாகம் ஒரு கண்ணில் வெண்ணையும் மறு கண்ணில் சுண்ணாம்பும் தடவும் இப்போக்கினை கண்டிக்கிறோம். BSNL நிர்வாகம் DOTக்கு ஊதிய நிர்ணய விஷயத்தில் கடிதம் எழுதும் போது அதிகாரிகளுக்கு 15% உயர்விற்கு ஒத்துக்கொண்டுவிட்டு அதே சமயத்தில் நமக்கு 0-5 சதவீத உயர்வு என்று சொல்வதை ஊழியர் தரப்பு கடுமையாக எதிர்த்துள்ளது. அதனை 10-09-18 நடந்த கூட்டத்தில் ஊழியர் தரப்பு ஆட்சேபித்து பேசியது. 

நமது தரப்பு 15% ஊதிய உயர்வு கேட்பதோடு மட்டுமல்லாமல் பிற அலவன்சுகளையும் உயர்த்தி தர கோரி பேச வேண்டும் என்பது அனைவரின் விருப்பம். நிர்வாகம் 2002-க்கு பிறகு மற்ற அலவன்சுகளை ஊழியருக்கு உயர்த்த ஊழியர் தரப்புடன் பேச தயாரில்லை. 2002-ல் தலைவர் குப்தா நமது பெற்று தந்ததே கடைசி சலுகைகளாகும். கடந்த 11 வருடங்களாக நிர்வாகம் இதனை எப்படியாவது தவிர்த்து வருவது அனைவரும் அறிவர். இரண்டாவது சம்பள கமிஷன் பேச்சு வார்த்தையில் பங்கு பெற NFTE சங்கத்திற்கு வாய்ப்பு கிடைக்கவில்லை. BSNLEU தானே ஆகப்பெரும் அங்கீகரிக்கப்பட்ட சங்கம் என்ற இறுமாப்பில் பேச்சு வார்த்தையில் தனிஒரு சங்கமாக பங்கேற்றது. நிர்வாகம் லாபம் வந்த பிறகு மற்ற அலவன்சுகளை ஏற்றித்தருகிறேன் என்ற கூறிய பம்மாத்து பேச்சில் மயங்கி அதனை ஒத்துக்கொண்டு கையெழுத்திட்டது. ஆனால் நடந்தது என்ன?  நிர்வாகம் 2009 இல் இருந்து ”இல்லை” என்ற இதே பல்லவியை பாடிக் கொண்டு வருகிறது. 


மக்கள் உபயோகிக்கும் பல்வேறு பொருள்கள் விலை உயர்ந்தும் நமது அலவன்சுகள் உயரவில்லை என்பதுதான் வேதனை. ஆதலால் சம்பள உயர்வோடு நாம் மற்ற அலவன்சுகள் (perks and allowances) உயரவும் பேச்சு வார்த்தை நடத்த வேண்டும் என்பது அனைத்து ஊழியர்களின்  விருப்பம் ஆகும்.

வெளியீடு: சென்னை தொலைபேசி NFTE-BSNL

Thursday, 9 August 2018



09-08-2018 அன்று நிர்வாகத்துடன் நடைபெற்ற 

பயனுள்ள கூட்டம்


இன்று PGM (DEVELOPMENT) அறையில் நிர்வாகம் மற்றும் NFTE & BSNLEU தலைவர்களுடனான கூட்டம் பல்வேறு இடங்களில் உள்ள ஊழியர் பற்றாக்குறை பற்றி விவாதித்து தீர்வு காணும்பொருட்டு ஏற்பாடு செய்யப்பட்டிருந்தது. CGM, PGM(Hr), PGM (South) PGM (Central) GM (GSM) GM (TXM) GM (North) DGM (Hr) DGM(F&A) AGM(A) AGM (E) மற்றும்  பலர் நிர்வாகத்தின் சார்பாக கலந்துக் கொண்டனர். தோழர்கள். C.K. மதிவாணன், இளங்கோவன் மற்றும் இராஜேந்திரன்  NFTE சங்கம் சார்பாக கலந்துக் கொண்டனர். ஊழியர் பற்றாக்குறை அல்லது ஊழியர் உபரி போன்றவற்றை  அந்தந்த கோட்டம் அல்லது அருகில் உள்ள கோட்டத்திற்குள்ளாகவே சமன் செய்ய ஏகமனதான பல தீர்மானங்கள் எடுக்கப்பட்டன.

இனிமேல் ஒரு கோட்டத்திற்கு ஒரு ஸ்டோர் மட்டும் இயங்கும்; அதை ஒரு டெலிகாம் டெக்னிசியன் மற்றும் ஒரு உதவி டெலிகாம் டெக்னிசியன் பராமரிப்பர். CSC மற்றும் CASH COUNTER களில் அனைத்து பில் வாங்குதல் மற்றும் / GSM & LANDLINE விற்பனை செய்தல் போன்றவை ஒரே இடத்தில் (SING WINDOW SYSTEM) நடைமுறைபடுத்தப்படும். 
24 மணி நேரமும் செயலாற்ற வேண்டிய பவர் ரூம் குறைந்தபட்சம் மூன்று டெலிகாம் டெக்னிஷியன்களால் செயலாற்றப்படும்.   
அனைத்து பொதுமேலாளர்கள் மூலமாக 30.09.2018 க்குள் ஊழியர்கள் சமன் செய்யும் பணி நிறைவேறும். மெட்ரோ பகுதிகளில் 900 இணைப்புகளுக்கு 2 டெலிகாம் டெக்னிஷியன்கள் போடப்படுவர். உற்கோட்டப்பகுதிகளில் 2500 இணைப்புகளுக்கு ஒரு டெலிகாம் டெக்னிஷியன் இருப்பார். 
புற பகுதிகளில் (CPT AREA) இது மாறுபடும். ஒவ்வொரு பிரிவிற்கும் புதிய ஊழியர் அளகீடு முறை நீண்ட விவாதத்திற்கு பிறகு ஏற்றுக்கொள்ளப்பட்டது. உண்மையான ஊழியர் எண்ணிக்கை மற்றும் ஊழியர் சமன்படுத்துதல் பற்றி முடிவெடுக்கும் முன் அந்தந்த பொது மேலாளர்கள் இரு சங்க மாவட்ட பிரதிநிதிகளுடன் விவாதித்து முடிவெடுப்பர்.  உபரி ஊழியர் சமன் செய்ய விருப்ப விண்ணப்பம் கேட்டு பெறப்படும். அதிக எண்ணிக்கையில் விருப்பம் பெறப்பட்டால் மூத்த ஊழியருக்கு அந்த இடம் ஒதுக்கப்படும். யாரும்  விண்ணப்பிக்காதபட்சத்தில் நீண்டகாலமாக அதே இடத்தில் இருக்கும் ஊழியர் மாற்றல் செய்யப்படுவார். 
பிற நிர்வாகப்பிரிவு பகுதிகளுக்கு விரைவில் புதிய வரைமுறை தீர்மானிக்கப்படும்.

நமது வேண்டுகோளின்படி அனைத்து பொதுமேலாளர்களும் அங்கீகரிக்கப்பட்ட இரு ஊழியர் சங்கத்திடம் ஊழியர் பிரச்சனைகளை தீர்க்கும்பொருட்டு மாதாந்திர கூட்டம் நடத்த அறிவுறத்தினார்கள்.


ஒட்டு மொத்தத்தில் இன்றைய கூட்டம் ஒரு பயனுள்ள அர்த்தமுள்ள கூட்டமாக இருந்தது. நமது தலைமை பொதுமேலாளரின் வருகைக்கும் வழிகாட்டுதலுக்கும் நன்றி தெரிவித்துக்கொள்கிறோம். ஓர் ஆண்டுக்கும் மேலாக வெறுப்பாகிப்போய் கிடப்பில் கிடந்த இந்த பிரச்சனை உண்மையிலேயே நமது தலைமை பொதுமேலாளரின் தலைமையால் ஒரு சுமூக தீர்வு பெற்றது.

( கூட்டம் முடிவுற்ற பின் தோழர். C.K. மதிவாணன் அவர்கள் அந்த கூட்டம் (REDEPLOYMENT MEETING) பற்றி சமர்ப்பித்த அறிக்கை )

Tuesday, 7 August 2018

கலைஞர் மறைவு குறித்து நமது மாநிலச் செயலரின் செய்தி..



NFTCL and NFTE-BSNL சங்கங்கள் டாக்டர்.கலைஞர் கருணாநிதி அவர்களின் மறைவிற்கு ஆழ்ந்த இரங்கலை தெரிவித்துக் கொள்கிறது.

ஐந்துமுறை முதல் அமைச்சராக இருந்தவர் 50 வருடம் திராவிட முன்னேற்ற கழகத்தின் தலைவராகவும் தமிழ் மண்ணின் தலைவராகவும் இருந்த அவர் தனது இறுதி மூச்சினை இன்று 07-08-2018 மாலை 6.10 அளவில் சென்னை மருத்துவமனையில் நிறுத்திக் கொண்டார்.

அவர் ஒரு கீழ்தட்டு மக்களுக்காக போராடிய அருமையான போராளி. அருமையான கவிஞர், எழுத்தாளர் மற்றும் இந்தியாவின் ஆகப்பெரும் அரசியல் தலைவர். 

அவருக்கு எங்களின் சிரம் தாழ்ந்த அஞ்சலியை தெரிவித்துக் கொள்கிறோம்.

--சி.கே.மதிவாணன், மாநிலச் செயலர் NFTE-BSNL  சென்னை தொலைபேசி மற்றும் அகில இந்திய செயலர் NFTCL